一切緣起(二)

上一篇講起我投資的開始，本篇就要講下教我投資既「老師」們:

1.我老豆

我老豆係一位股壇老手，大約一年前係我初接觸投資時，佢第一時間千叮萬囑我千忻唔好掂牛熊、窩輪呢D投資工具因為當年(30年前)佢係呢兩度虧蝕左唔少錢。而佢就極力推薦股票比我作為投資既第一課，因為佢係股票獲利不少，一講起股票佢一定會講起佢當時既愛股恆大地產(3333) 點樣為佢帶來第一桶金。雖然佢讀書唔多，但佢都係股票入面慢慢學習，PE值、公司業務、持股的大股東、甚至以大股東的動向作買賣訊號，令我對股票有更深既了解。

2.錢家有道

上一篇有提到就唔多說明，為投資新手提供不同理財/投資工具既基本知識包括買賣、風險、術語等等有用持平的入門資訊。

3.Lihkg

你冇睇錯，我有上連登「取經」，雖然連登裡面既資訊比較混雜，但經過google/分析/過濾仍可以得出唔少有用既資訊。月供股票、價值投資、趨勢投資等基本概念。

4.書

呢類「老師」係我學習投資基本心法
書本方面以<<窮爸爸富爸爸>>系列及<<完全圖解巴菲特投資功略>>為我既入門書，希望以後有機會向大家詳細介紹不同既投資書籍


5. Blogger

在投資上，有眾多blogger 前輩深入淺出教授，無論係一D懶人包/超技術文分析市場，都令小弟大開眼界，有的在股票收息、有的債券+槓桿、有的物業投資上有豐富的經驗，但仍然慷慨分享經驗心得。

「授人以魚不如授人以漁」係我係眾多blogger 前輩在投資以外學得既東西、一種心態。


綜觀以上咁多位「老師」，再加上google大神，只要有野學既地方我都會去吸經，亦希望在此blog 記錄低點點滴滴。

一切緣起(一)

***第一次寫blog，希望為自己的人生做個記錄，小弟文筆較差(HKDSE 作文 1)，敬請見諒!!!

先講我寫blog 既緣因

向來對自己財務資產比較敏感，但一google 資產增值的方法，期指、牛熊、股票、債券、定期、孖展、窩輪等等既字眼，琳瑯滿目。正當我在這些投資工具混亂之際，我問自己究竟對投資有多了解，發現原來只停留股票高買低賣的階段，連股票本質/風險都不太了解。於是我又google (google 真係非常好用)，search 到一個由投資者教育中心推出獨立及持平公正的理財教育平台-------錢家有道，我選呢個平台主要原因係佢唔似市面的傳媒咁以吸引眼球標題什麼買股買樓買牛熊期指大賺，但基本的數據風險資料欠奉。而錢家有道係一個公營機構為大眾提供基本既理財投資知識(入場門檻風險術語等)，內容比較持平 對投資新手來說最合適不過。

作為一名畢業初出社會(已一年)的九十後，原先見第一份工是一份熱門的政府工，收入不錯，福利又好。當時收到conditional offer 以為已經上左岸，同家人一齊商量換車換樓，心想著希望為屋企改善一下環境，進入(偽)中產既階層。一次body check 卻將我由天堂打入地獄。經過機緣巧合之下，現時就係一名N展仔，返shift 加上對行業興趣不大，令我無心上班，唯獨薪酬普遍高於FG (仍少過政府工一截)。心想打一世工亦唔係可行的方法，唯有尋求其他可行的方法----------財務自由。因而希望立此blog 記錄自己路上點滴，不論成功與否。

P.S. 第一次寫blog 發現寫blog 並不是一件易事，難以想像眾多blogger 前輩所打的過千過萬字的超技術文所花的心血!!!!!!